Ձեր վաղաժամ շնորհավորանքը արմատապես հակասում է այդ սկզբունքներին

Եվրոպական հանձնաժողովի նախագահ

ֆոն դեր Լայենին

Պատճենը՝ ԵՄ անդամ պետությունների դեսպաններին,

Եվրոպական խորհրդարանի պատգամավորներին

ՀՀ օրենսդրության խախտման վերաբերյալ

Հարգելի՛ տիկին Նախագահ,

Դիմում ենք Ձեզ՝ արտահայտելու մեր խոր մտահոգությունը և պահանջելով հրատապ պարզաբանումներ 2026 թվականի հունիսի 8-ին Նիկոլ Փաշինյանին ուղղված Ձեր պաշտոնական շնորհավորական ուղերձի վերաբերյալ՝ կապված Հայաստանի Հանրապետությունում կայացած խորհրդարանական ընտրությունների հետ։

Չնայած այն հանգամանքին, որ Եվրոպական միությունը մշտապես հանդես է գալիս հօգուտ օրենքի գերակայության և ժողովրդավարական գործընթացների ինստիտուցիոնալ ամբողջականության, Ձեր վաղաժամ շնորհավորանքը արմատապես հակասում է այդ սկզբունքներին՝ հետևյալ իրավական հիմքերով.

— Առկա է ՀՀ սահմանադրական ընտրական օրենսդրության (Հոդված 75) կոպիտ խախտում, համաձայն որի՝ ԿԸՀ-ն հանդիսանում է միակ և բացառիկ մարմինը, որն իրավասու է ամփոփել արդյունքները և պաշտոնապես հայտարարել խորհրդարանական ընտրությունների վերջնական արդյունքները։ Ավելին, այդ պահին իրավականորեն դեռևս ընթացքի մեջ էին պաշտոնական բողոքների քննարկման և ձայների վերահաշվարկի գործընթացները։

-Հայտարարելով հաղթողին և լեգիտիմացնելով արդյունքները դեռևս այն պահից առաջ, երբ երկրի անկախ ընտրական մարմինները կկարողանային դա անել օրինական հիմքերով, Դուք և ԵՄ անդամ երկրների որոշ ղեկավարներ փաստացիորեն.

· Ձևականորեն արհամարհեցիք ՀՀ ինքնիշխան իրավական ընթացակարգերը և սահմանված ինստիտուցիոնալ ժամկետները:

· Ստեղծեցիք քաղաքական կողմնակալության անընդունելի միջազգային նախադեպ՝ արտաքին ճնշում գործադրելով ԿԸՀ անկախ գործունեության վրա:

· Խախտեցիք ԵՄ սեփական դիվանագիտական արձանագրությունները։

ԱՄՈ՛Թ ՁԵԶ!!!

Իսկական ժողովրդավարությունն անհնար է առանց օրենքի տառի խիստ պահպանման։ Այս կապակցությամբ, խնդրում ենք տալ պարզաբանումներ և երախտապարտ կլինենք այս կարևոր հարցի վերաբերյալ Ձեր պաշտոնական պատասխանի համար։

Հարգանքով՝

Ռուբեն Թորոսյան «ՕՐԻՆ-2026»

ՀՀ Գերագույն խորհրդի նախագահության անդամ (1990–1995 թթ.)

Նախկին պատգամավորների ակումբի պատվավոր նախագահ

Հղումը՝ Hraparak.am