«Քրդստանի ձայն» տելեգրամյան ալիքի հրապարակման համաձայն՝ հանրահայտ երգիչ Արամ Տիգրանի հայրը Սասունի շրջանի Բիլանդ գյուղի այն սակավաթիվ բնակիչներից էր, ում հաջողվել է վերապրել 1915 թվականի Հայոց ցեղասպանությունը։
Գովազդ A2
Գյուղի գրեթե ամբողջ բնակչությունը բնաջնջվել էր։ Ողջ էր մնացել ընդամենը 15–20 մարդ, որոնց թվում էր նաև ապագա արտիստի հայրը։ Նա փրկվել էր քրդերի շնորհիվ, ովքեր օգնել էին նրան խուսափել մահից։ Նրանց աջակցությամբ նա հատել էր սահմանն ու ապաստան գտել Արևմտյան Քրդստանի Կամիշլի քաղաքում։
Հենց այնտեղ էլ նա հանդիպել է իր ապագա կնոջը։ Կնոջ ընտանիքը նույնպես դարձել էր այդ ողբերգական իրադարձությունների զոհը. մերձավոր ազգականներից ողջ էին մնացել միայն մայրն ու մորաքույրը։
Գովազդ A3
Գովազդ A4
1934 թվականին Կամիշլիում ծնվեց Արամ Տիգրանը՝ մարդ, ում վիճակված էր դառնալ քրդական երաժշտության ամենահայտնի կատարողներից մեկը։ Նա երգում էր հայերեն, քրդերեն ու արաբերեն, իսկ նրա արվեստը մեծագույն հարգանք էր վայելում քուրդ ժողովրդի շրջանում։
Գիտակցելով, որ իր ընտանիքի կյանքը փրկվել է քրդերի օգնությամբ՝ Արամ Տիգրանն իր ստեղծագործության զգալի մասը նվիրեց հայ և քուրդ ժողովուրդների բարեկամության ու փոխադարձ հարգանքի գաղափարներին։ Նրա երգերը դարձան երկու ժողովուրդների մշակութային երկխոսության և ընդհանուր պատմական հիշողության խորհրդանիշը։
Առանձնահատուկ խորհրդանշական էր արտիստի վերջին կամքը. նա կտակել էր, որ իր գերեզմանին շաղ տան իր նախնիների պատմական հայրենիքի՝ Դիարբեքիրի հողը։
Հղումը՝ News.am
Գովազդ A5
