«ԹԷԱՏՐՈՆ» կատարողական արվեստների միջազգային ֆրանկոֆոն փառատոնն իր սոցիալական ծրագրի շրջանակում առանձնահատուկ ուշադրություն է դարձնում արվեստի միջոցով հասարակական կարևոր թեմաների բարձրաձայնմանը և տարբեր խմբերի միջև կապերի ամրապնդմանը։
Գովազդ A2
Այս ծրագրի շրջանակում սեպտեմբերի 17-ին Երևանում կներկայացվի Ամալիա Սալի «Քանի չեմ մոռացել» պարային ներկայացումը։
Ի՞նչ է մնում, երբ հիշողությունները սկսում են խամրել, և ինչպե՞ս են սերը, հոգատարությունը, հումորն ու ապրումակցումը շարունակում միավորել մարդկանց։
Գովազդ A3
Գովազդ A4
Ամալիա Սալը պատմում է հենց այդ մասին՝ համադրելով ժամանակակից և քաղաքային պարը թատերական արտահայտչամիջոցների հետ։
«Քանի չեմ մոռացել»-ը պարային ներկայացում է հիշողության, ընտանեկան կապերի և սերունդներին միավորող փխրուն, բայց հզոր թելերի մասին։
Ներկայացումը ծերացման և Ալցհայմերի հիվանդության թեմաներին անդրադառնում է նրբորեն և լուսավոր հայացքով՝ հիշեցնելով, որ նույնիսկ երբ բառերն անհետանում են, մարմինը շարունակում է հիշել, հաղորդակցվել և սիրել։
📅 Սեպտեմբերի 17 | 19:30
📍 Հովհաննես Թումանյանի անվան տիկնիկային թատրոն
Ներկայացումը նախատեսված է ՀՀ առողջապահության նախարարության «Առողջ երկարակեցություն» ծրագրի և «Ալցհայմերի խնամք Հայաստան» կազմակերպության «Հիշողության և աջակցության սրճարաններ» ծրագրի մասնակիցների համար։
🎟️ Եթե ցանկանում եք մասնակցել ներկայացմանը, խնդրում ենք նախապես ամրագրել ձեր տեղերը՝ գրելով [email protected] էլեկտրոնային հասցեին։
Փառատոնի գլխավոր հովանավոր՝ Երևանի քաղաքապետարան։
Աջակիցներ՝ ՀՀ-ում Ֆրանսիայի դեսպանություն և Ֆրանսիական ինստիտուտ, ՀԲԸՄ Ֆրանսիայի մասնաճյուղ։
ՀՀ առողջապահության նախարարության, Հիվանդությունների վերահսկման և կանխարգելման ազգային կենտրոնի և «Ալցհայմեր խնամք Հայաստան» կազմակերպության համագործակցությամբ։
Գովազդ A5
