Հայ Առաքելական Եկեղեցին նախօրեին նշել է Խաչվերացը՝ Հայ Եկեղեցու հինգ տաղավար տոներից վերջինը։ Տաղավար տոներին հաջորդող օրը եկեղեցական օրացույցով Մեռելոց է։
Գովազդ A2
Այս օրը եկեղեցիներում մատուցվում է Սուրբ Պատարագ, այնուհետև կատարվում է հոգեհանգստյան կարգ։ Հոգևոր արարողություններից հետո մարդիկ այցելում են իրենց հարազատների և մտերիմների շիրիմներին՝ հարգանքի տուրք մատուցելու նրանց հիշատակին։
Մեռելոցի խորհրդի և ննջեցյալների համար աղոթելու կարևորության մասին հարցադրում է արել Զաքարիա Սրբազանը՝ ընդգծելով, որ մահացած հարազատների հիշատակը պետք է պահպանել ոչ միայն արտաքին արարողություններով, այլև անկեղծ աղոթքով։
Գովազդ A3
Գովազդ A4
«Այսօր ՄԵՌԵԼՈՑ է. մեր ննջեցյալներին օգնում են ոչ թե ճոխ թաղումները, հոգեհացերը կամ մահարձանները, այլ սրտաբուխ աղոթքն ու նրանց կենդանի հիշատակի պահպանումը», — նշել է Սրբազանը։
Մեռելոցը ևս մեկ առիթ է հիշելու հանգուցյալներին, աղոթելու նրանց հոգու խաղաղության համար և պահպանելու նրանց հիշատակը՝ որպես ընտանիքի ու հարազատների կյանքի կարևոր մաս։
Հղումը՝ Hraparak.am
Գովազդ A5
