Արձակուրդում գտնվող Հայաստանի վարչապետ Նիկոլ Փաշինյանը, ով գլխավորում է երկրում այժմ իշխող «ՔՊ» կուսակցության պատգամավորության թեկնածուների համամասնական ցուցակը, թեժ վեճերի մեջ է մտել Հանրային հեռուստաընկերության եթերում ընթացող նախընտրական հեռուստաբանավեճի շրջանակում։
Գովազդ A2
Նախ Արման Թաթոյանը նշեց, որ 2018 թվականին ժողովուրդը դուրս եկավ պայքարի հանուն արդարության, բայց արդյունքում իշխանության եկան նրանք, ովքեր ոչ միայն ձախողվեցին, այլև անընդունակ գտնվեցին որևէ հարց լուծել։ «Երկիրը պահում են ոչ միայն վախի, այլև պառակտման մեջ։ Այդպես կարող է իրեն պահել միայն թույլ և վախկոտ ղեկավարը։ Վարչապետն իրեն համարում է և՛ քննիչ, և՛ դատախազ, և՛ դատավոր։ Բոլորն աշխատում են սինխրոն։ Հենց հանրահավաքում հայտարարություն է արվում, անմիջապես քրեական գործեր են հարուցվում»,- հավելեց նա։
Նա իշխանություններին մեղադրեց նաև օլիգարխիկ ռեժիմի բարիքներից օգտվելու մեջ և հայտարարեց, թե նրանք ցանկանում են Հայաստանում Ալիևի հանրաքվեն անցկացնել՝ դա անվանելով թակարդ։
Գովազդ A3
Գովազդ A4
Փաշինյանն ի պատասխան ասաց, որ Արման Թաթոյանը ներկայացնում է ընդդիմության եվրոպամետ թևը, որը կառավարվում է օտարերկրյա պետության կողմից, և իր հերթին Թաթոյանին անվանեց թույլ։
«Թաթոյանը պետք է պատասխան տա Արթուր Սարգսյանի («Հաց բերողի») մահվան համար, որը սնունդ էր հասցրել զինված խմբի անդամներին, որոնք հուլիսին Երևանում գրավել էին ոստիկանության պարեկապահակային ծառայության գնդի շենքը:
Սարգսյանի գործով կեղծ փորձաքննություն է իրականացվել, և ընթանում է դատավարություն։ Թաթոյանն այն ժամանակ Հայաստանի արդարադատության փոխնախարարն էր, որը պատասխանատու է նաև փորձաքննությունների համար։ Նա միաժամանակ Մարդու իրավունքների պաշտպան է եղել և հետևողական չի եղել այս գործով։ Նաև նա է ապատեղեկատվություն տարածել, թե Ադրբեջանում ադրբեջանցիներին ID (նույնականացման քարտեր) են բաժանում։ Նա միշտ թաքցրել է քաղբանտարկյալների առկայությունը»,- նշեց Փաշինյանը։
Թաթոյանն այս ամենին արձագանքեց. «Ես գիտեի, որ բանավեճը լարված է անցնելու, և վալերիանկա եմ բերել»։
«Բերել ես՝ խմի՛ր։ Ջուր կա՞»,- պատասխանեց Փաշինյանը։
«Հաջորդ անգամ ձեր մատը իմ ուղղությամբ չթափահարեք»,- հակադարձեց Թաթոյանը։
Հղումը՝ News.am
Գովազդ A5
