Հասարակություն

ՀՀ ՆԳՆ ոստիկանությունը հայտնում է. «Համայնքային ոստիկանության Հրազդանի բաժնի կողմից որպես անհետ կորած որոնվում է 2006թ. ծնված Սուսաննա Բունիաթյանը: Նա նոյեմբերի 18-ի երեկոյան դուրս է եկել տնից և այլևս չի վերադարձել»:

«Իրավունք» թերթը գրում է. «Ինչպես հայտնի է,մեր երկրում վարչապետ աշխատող Փաշինյանըօրերս թրաշվելուց հետո որոշեց «թրաշել» նաեւնախարարական կազմը եւ վեց նախարարներհրաժեշտ տվեցին իրենց պաշտոններին։ Չնայած դրան, ըստ կուլիսայինխոսակցությունների, Փաշինյանը որոշել էնրանցից ոմանց այլ պաշտոններ տալ։Կառավարությունից դուրս, հրաժարականներիերթը հասավ նաեւ Ազգային ժողով, եւ իրմանդատը վայր դրեց ԱԺ Առողջապահությանհարցերի մշտական հանձնաժողովի նախագահՆարեկ Զեյնալյանը։ «Իրավունք»-ի տեղեկություններով՝ Զեյնալյանըկնշանակվի առողջապահության նախարար,քանի որ շատ դժգոհություններ կան նաեւԱնահիտ Ավանեսյանից։ Դե ինչ,  սպասենքփաշինյանական նոր սցենարների»: Առավել մանրամասն թերթի այսօրվա համարում

Պետական վերահսկողական ծառայության (ՊՎԾ) ղեկավար Ռոմանոս Պետրոսյանը պնդում է՝ Պետեկամուտների կոմիտեի (ՊԵԿ) նախագահի պաշտոնը ստանձնելու առաջարկ այս պահին չի ստացել, և նման քննարկում չկա: Մամուլում տեղեկություն կա, որ հենց նա էլ կփոխարինի արդեն նախկին նախագահ Ռուստամ Բադասյանին, որը ևս շաբաթասկզբին աշխատանքից ազատման դիմում գրեց առանց բացատրությունների: «Ազատություն» ռադիոկայանի հարցին՝ եթե առաջարկն ամեն դեպքում լինի, պատրա՞ստ է ստանձել ՊԵԿ նախագահի պաշտոնը, ՔՊ-ական Ռոմանոս Պետրոսյանն ասաց. «Ես չեմ կարող որևէ մեկնաբանություն տալ, վարչապետը որտեղ, ինչ խնդիր դնի, կգնամ լուծելու»:

Կառավարությունը նոյեմբերի 21-ի նիստում հաստատելու է ձմեռային զորակոչի ու զորացրման ժամկետը։ Ըստ այդմ, զորակոչը տեղի կունենա 2025թ հունվարի 7-ից մինչև հունվարի 31-ը, իսկ զորացրումը՝ 2025թ. հունվարի 9-ից մինչև հունվարի 31-ը ներառյալ։

Հաշվի առնելով սահմանված երթևեկության առավելագույն արագության պահպանման նկատմամբ լուսանկարահանող տեխնիկական միջոցներով վերահսկողության բացակայությունը մեծ թվով վարորդների համար նպաստավոր պայմաններ է ստեղծում երթևեկության առավելագույն արագության գերազանցման համար՝ նպաստելով վթարային իրադրության առաջացմանը, «Ոստիկանության մասին» ՀՀ օրենքի 22-րդ հոդվածի կարգով, այլ վայրից տեղափոխվել և Արարատի մարզի Վեդի համայնքի Նոր Կյանք բնակավայրի Արարատյան փողոցի թիվ 18 հասցեի հարակից ճանապարհահատվածում տեղադրվել է լուսանկարահանող տեխնիկական միջոց, որտեղ երթևեկության թույլատրելի արագությունը 60 կմ/ժ է։ Լուսանկարահանող տեխնիկական միջոցը գործարկվելու է նոյեմբերի 25-ից: Այս մասին հաղորդագրություն է տարածել ՆԳՆ-ն: «Համայնքային ոստիկանության գլխավոր վարչությունը հորդորում է վարորդներին պահպանել ճանապարհային երթևեկության կանոնները»,- ասված է հաղորդագրության մեջ:

Ավելի վաղ վարչապետ Նիկոլ Փաշինյանը հայտնել էր, որ ՆԳ նախարար կնշանակվի այժմ նախարարի տեղակալի պաշտոնը զբաղեցնող Արփինե Սարգսյանը։ Նա ՆԳ նախարարի տեղակալի պաշտոնը զբաղեցնում է 2023 թվականից։ Iravaban.net-ը ներկայացնում է Սարգսյանի կենսագրությունը։ Արփինե Սարգսյանը 30 տարեկան է, ծնվել է 1994 թ. ապրիլի 14-ին Վեդի քաղաքում։ Կրթություն 2017 թ. մինչ այժմ – ԵՊՀ իրավագիտության ֆակուլտետի քրեական իրավունքի ամբիոնի ասպիրանտ (Ատենախոսության թեման՝ «Դատական վերահսկողությունը ազատությունից զրկելու հետ կապված պատիժների կատարման նկատմամբ») 2015 – 2017 թթ. – ԵՊՀ իրավագիտության ֆակուլտետ, իրավագիտության մագիստրոսի աստիճան (գերազանցության դիպլոմ) 2010 – 2015 թթ. – ԵՊՀ իրավագիտության ֆակուլտետ, իրավագիտության բակալավրի աստիճան Կրթական ծրագրեր 2019 թ. սեպտեմբեր – «Ազատությունից զրկում – այլընտրանքային պատժամիջոցներ»– ՄԱԹՐԱ իրավունքի գերակայություն (Հաագա, Նիդերլանդների Թագավորություն) 2019 թ. հունիս – Ջոն Սմիթ կրթաթոշակային ծրագիր (Լոնդոն, Մեծ Բրիտանիայի և Հյուսիսային Իռլանդիայի Միացյալ Թագավորություն) 2018 թ. սեպտեմբեր – Քրեական արդարադատության համագործակցություն և գործընկերություն ծրագիր (CJ-CAP/ ABA ROLI / US Department of State / INL, Ամերիկայի Միացյալ Նահանգներ) Աշխատանքային գործունեություն 2023 թ. հունվարի 9-ից – ՀՀ վարչապետի որոշմամբ նշանակվել է ՀՀ ներքին գործերի նախարարի տեղակալ 2022 թ. հունվարի 21-ից – մինչ 2023 թ. հունվարի 9 – ՀՀ վարչապետի որոշմամբ նշանակվել է ՀՀ արդարադատության նախարարի տեղակալ 2020 թ. հուլիսից մինչ 2022 թ. հունվար ՀՀ արդարադատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության պետ 2019 թ. նոյեմբերից մինչ 2020 թ. հուլիս – ՀՀ արդարադատության նախարարության հակակոռուպցիոն և քրեակատարողական քաղաքականության մշակման վարչության պետ 2019 թ. ապրիլից-նոյեմբեր – ՀՀ արդարադատության նախարարության հակակոռուպցիոն և քրեակատարողական քաղաքականության մշակման վարչության քրեակատարողական քաղաքականության մշակման բաժնի պետ 2019 թ. ապրիլից մինչ 2022 թ. հունվար – ՀՀ արդարադատության նախարարության քրեակատարողական ծառայության կենտրոնական մարմնում գործող տեղաբաշխման հանձնաժողովի անդամ 2018 թ. – Պրոբացիայի և քրեակատարողական ծառայողների վերապատրաստող (ՄԱԿ-ի «Բազմաոլորտային ազգային հարթակի ուժեղացում՝ ուղղված երեխաների հանդեպ բռնությանը վերջ դնելու գործողությունների պլանավորմանը, իրագործմանը և գնահատմանը» ծրագիր) 2017-2022 թթ. – ՀՀ քրեակատարողական նոր օրենսգիրքը մշակող աշխատանքային խմբի անդամ 2017 թ. – Հանրապետական գործադիր մարմիններում հակակոռուպցիոն ոլորտի պատասխանատուների վերապատրաստող («Իրավական կրթության և վերականգնողական ծրագրերի իրականացման կենտրոն» ՊՈԱԿ) 2016-2019 թթ. – ՀՀ արդարադատության նախարարության աշխատակազմի հակակոռուպցիոն և քրեակատարողական քաղաքականության մշակման վարչության փորձագետ, ապա՝ առաջատար մասնագետ (հակակոռուպցիոն, քրեակատարողական, պրոբացիայի և ներման ոլորտներ) 2016 թ. հունվարից-հունիս – ՀՀ արդարադատության նախարարի տեղակալի օգնական 2016 թ. – ԵԽ «Աջակցություն Հայաստանում պրոբացիոն ծառայության ստեղծմանը» ծրագրի ազգային փորձագետ-վերապատրաստող 2015 թ. – ՀՀ արդարադատության նախարարության աշխատակազմի օրենսդրության զարգացման և իրավական վերլուծությունների վարչության քրեաիրավական օրենսդրության բաժնի փորձագետ Պարգևատրվել է՝ 2023 թ․ սեպտեմբեր- ՀՀ նախագահի հրամանագրով՝ «Մխիթար Գոշ» մեդալով 2022 թ. դեկտեմբեր – ՀՀ քննչական կոմիտեի նախագահի պարգևատրում հուշանվերով 2020 թ. դեկտեմբեր – ՀՀ արդարադատության նախարարի շնորհակալագիր 2016 թ. դեկտեմբեր – ՀՀ արդարադատության նախարարի շնորհակալագիր Այլ տեղեկություններ Տիրապետում է ռուսերեն, անգլերեն լեզուներին: Շուրջ 10 գիտական հոդվածների, «Կալանավորված և ազատազրկման դատապարտված անձանց առողջապահական իրավունքները և դրանց իրացման մեխանիզմները» ուղեցույցի հեղինակ և համահեղինակ է: Անկուսակցական է: Անձնական տվյալներ Ամուսնացած է: Մասնագիտական ներգրավվածություն 2022-2023 թթ. ներկայացրել է ՀՀ կառավարությունը ԵԽ Խոշտանգումների կանխարգելման կոմիտեում և ՄԱԿ Խոշտանգումների դեմ կոմիտեում 2022-2023 թթ. ղեկավարել է ՀՀ արդարադատության նախարարության համակարգմամբ գործող Անչափահասների արդարադատության բազմաշահառու խորհուրդը 2022 թ.-ից ղեկավարում է Ոստիկանության բարեփոխումների աշխատանքային բազմաշահառու խումբը, ակտիվ ներգրավում է ունեցել Ոստիկանության ոլորտի 2020-2022 թթ. բարեփոխումների ռազմավարության իրականացման, Ներքին գործերի նախարարության ստեղծման աշխատանքներին 2022 թ. համանախագահել է ՄԱԿ Կանանց նկատմամբ խտրականության վերացման հարցերով կոմիտեում «Կանանց նկատմամբ խտրականության բոլոր ձևերի վերացման մասին» կոնվենցիայի (CEDAW) իրականացման վերաբերյալ Հայաստանի Հանրապետության 7-րդ զեկույցի պաշտպանության պատվիրակությունը 2022 թ. նախագահել է ՀՀ հակակոռուպցիոն կոմիտեի ծառայողների առաջին կազմի ընտրության մրցութային հանձնաժողովը 2022թ.-ից հանդիսանում է ՀՀ քննչական կոմիտեի կարգապահական հանձնաժողովի անդամ՝ Կառավարության առաջադրմամբ 2022-2023 թթ. հանդիսացել է Ներման հարցերի խորհրդակցական հանձնաժողովի անդամ 2021-2022 թթ. կազմակերպել և համակարգել է նոր քրեակատարողական հիմնարկի մոդելավորման աշխատանքները 2019-2023 թթ. կազմակերպել և համակարգել է քրեակատարողական և պրոբացիայի ոլորտի առաջին ռազմավարության մշակման և իրականացման գործընթացը 2019-2022 թթ. ՀՀ արդարադատության նախարարությունում համակարգել է քրեական և քրեական դատավարության նոր օրենսգրքերի նախագծերի լրամշակման, ինչպես նաև նոր օրենսգրքերին ՀՀ օրենսդրական ամբողջ դաշտի հարմոնիզացման աշխատանքները 2019-2022 թթ. հանդիսացել է ԵԽ «Առողջապահության և մարդու իրավունքների պաշտպանության ամրապնդումը Հայաստանի բանտերում», «Աջակցություն Հայաստանում պրոբացիայի ծառայության զարգացմանը», «Աջակցություն քրեական արդարադատության բարեփոխումներին և եվրոպական չափանիշների կիրառման ներդաշնակեցումը Հայաստանում» (ԳԼԿ), «Վերջ երեխայի սեռական առցանց շահագործմանը և բռնությանը» ծրագրերի հանձնախմբերի անդամ Հանդիսացել է «Պրոբացիայի մասին» ՀՀ օրենքը, «Ներման մասին» ՀՀ օրենքը, «Ազդարարման համակարգի մասին» ՀՀ օրենքը և դրանցից բխող ենթաօրենսդրական ակտերը մշակող աշխատանքային խմբերի, «Հայաստանի Հանրապետության քրեական օրենսգրքում փոփոխություններ և լրացումներ կատարելու մասին» ՀՀ օրենքների նախագծերի փաթեթը մշակող աշխատանքային խմբի (ապօրինի հարստացման քրեականացում, գույքի և եկամուտների հայտարարագիրը չներկայացնելու կամ դրանում կեղծ տվյալներ ներկայացնելու համար քրեական պատասխանատվության սահմանում, իրական կամ ենթադրյալ ազդեցությունն օգտագործելը հանցակազմի համապատասխանեցում միջազգային չափանիշներին և այլն), բանտային բժշկության ոլորտի բարեփոխումների շրջանակներում իրավական ակտերի նախագծերի մշակման աշխատանքային խմբի անդամ:

Դավիթ Խուդաթյանը կնշանակվի Տարածքային կառավարման և ենթակառուցվածքների նախարար: Այս մասին հայտում է ՀՀ վարչապետ Նիկոլ Փաշինյանը: «Դավիթ Խուդաթյանը, որ ներկայումս Արմավիրի մարզպետն է, կնշանակվի Տարածքային կառավարման և ենթակառուցվածքների նախարար»,-գրել է Նիկոլ Փաշինյանը: Հիշեցնենք, որ երեկ Վահագն Խաչատուրյանը ստորագրել է Գնել Սանոսյանին ՏԿԵ նախարարի պաշտոնից ազատելու հրամանը:

Իզմիրլյան բժշկական կենտրոնը, Մայր Աթոռի հովանու ներքո, մեկ միլիոն ԱՄՆ դոլարի ներդրում է կատարել հայաստանյան առողջապահական ոլորտում և ձեռք է բերել միզաքարային հիվանդության և ուրոլոգիական այլ հիվանդությունների բուժման նորագույն ու եզակի տեխնոլոգիաներ՝ ինչպիսիք են Storz Medical-ը, Olympus-ը և Quanta Systems-ը: Սարքավորումների նորացման հիմնական բաղադրիչը MODULITH® SLX-F2 արտամարմնային հարվածալիքային լիտոտրիպսիայի (ESWL) սարքն է, որը միզային քարերի ոչ ինվազիվ քարափշրման միակ տեխնոլոգիան է, որի միջոցով հնարավոր է հարվածային ալիքները կիզակետել մինչև 180 մմ ներթափանցման խորությամբ: Համակարգը կառավարվում է կենտրոնացված StorM-Touch հարթակի միջոցով և ունի կիզակետի չափերի ընտրման և հեռակառավարման հնարավորություններ: LithoPos® ներկառուցված համակարգը ապահովում է միզային քարերի ինքնուրույն նշանառում և դրանց լավագույն քարափշրում: Փոխգործողությունների ամբողջացումը DICOM կապող օղակի հետ թույլ է տալիս առավել արդյունավետ աշխատել հիվանդների մեծ հոսքի դեպքում: Այս տեխնոլոգիաները թույլ են տալիս ուրոլոգիական կլինիկային ապահովել բուժառուների բարձրորակ, ոչ ինվազիվ բուժումը, ինչը հատկապես կարևոր է միզաքարային հիվանդությունների էնդեմիկ գոտում ապրող Հայաստանի Հանրապետության բնակչության համար։

Այսօր՝ ժամը 19:55-ին բեռնատարի կողմից 110 կՎ բարձրավոլտ էլեկտրահաղորդման օդային գծի վնասման պատճառով հոսանքազրկվել է Ավան, Ավան-Առինջ, Բագրեվանդ թաղամասերի մի մասը։ Օդային գիծը վթարվել է բեռնատարի թույլատրելի գաբարիտների խախտման հետեւանքով։ Օպերատիվորեն իրականացվել են վթարա-վերականգնողական աշխատանքներ «Հայաստանի էլեկտրական ցանցեր» ընկերության, ՆԳՆ Արտակարգ իրավիճակների, ինչպես նաեւ պարեկային ծառայության աշխատակիցների կողմից։ «Հայաստանի էլեկտրական ցանցեր» ընկերության աշխատակիցները նշված թաղամասերի բաժանորդների Էլեկտրամատակարարումը վերականգնել են 22:29- ին։ Այս պահին եւս վթարի վերացմանն ուղղված աշխատանքները շարունակվում են էլեկտրամատակարարման ժամանակավոր սխեմայից հիմնականին անցնելու համար։