Քաղաքականություն

«Լուսավոր Հայաստան» կուսակցության նախագահ, ՀՀ հատուկ հանձնարարություններով նախկին դեսպան Էդմոն Մարուքյանի տելեգրամյան գրառումը Չի կարելի ուրանալ Մակրոնի դերը Արցախյան հակամարտության հարցում և նրա հասցեին անհիմն մեղադրանքներ հնչեցնել։ 2020 թվականի պատերազմի ժամանակ Ֆրանսիայի նախագահն անընդհատ զանգահարում էր Պուտինին՝ հրադադարի հասնելու համար, նա նախաձեռնել է ՄԱԿ-ի Անվտանգության խորհրդի նիստ՝ կապված 2023 թվականի Լեռնային Ղարաբաղում տեղի ունեցող էթնիկ զտումների հետ։   Հայկական կողմը Փարիզից մշտապես ստացել է այն, ինչ խնդրել է։ Խնդիրը ոչ թե Ֆրանսիան էր, այլ Երևանի անհետևողականությունը․ հայկական կողմը պարբերաբար փոխում էր իր դիրքորոշումը՝ ի չիք դարձնելով գործընկերների ջանքերը։ Հղումը՝ Aravot.am

Այսօր՝ մայիսի 4-ին, Ադրբեջանի նախագահ Իլհամ Ալիևը տեսակապի միջոցով կմիանա Եվրոպական քաղաքական համայնքի (ԵՔՀ) 8-րդ գագաթնաժողովին, որը տեղի կունենա Երևանում։ Այս մասին հայտնում են ադրբեջանական լրատվամիջոցները։ ԵՔՀ 8-րդ գագաթնաժողովը տեղի կունենա այսօր՝ մայիսի 4-ին, Երևանում՝ «Կառուցելով ապագան. միասնություն և դիմացկունություն Եվրոպայում» կարգախոսով։ Հղումը՝ Hraparak.am  

Այս իշխանության համար միակ «եվրոպական» վարքագիծը հակառուսականությունն է, որի գինը վճարելու է շարքային քաղաքացին՝ ոչ մի միլիմետրով չմոտեցնելով Հայաստանը Եվրոպային՝ ոչ բովանդակային, ոչ արժեքային իմաստով։ Այս մասին սոցցանցի իր էջում գրել է ՀՀ նախկին արտգործնախարար Վարդան Օսկանյանը։ «Նիկոլ Փաշինյանը 2018 թվականին իր վարչապետությունը սկսեց Երևանում անցկացված ֆրանկոֆոն պետությունների ղեկավարների բարձրակարգ գագաթնաժողովով, և հնարավոր է, որ այն ավարտի Եվրոպական քաղաքական համայնքի գագաթնաժողովով։ Այն, ինչ նախատեսված էր որպես ներքաղաքական խթան, կարող է վերածվել ռազմավարական սխալի։ Փաշինյանի համար արտաքին քաղաքականությունը երբեք չի եղել երկրի շահերի պաշտպանության գործիք։ Արտաքին քաղաքական անզգույշ, կտրուկ և անբովանդակ մանիֆեստները բացառապես ներքին լսարանում դիվիդենտներ շահելու նպատակ են ունեցել։ Դրա հետևանքով Հայաստանի նման խոցելի դիրքում գտնվող երկրում հավասարակշռված և մտածված քաղաքականություն վարելու փոխարեն, Փաշինյանն իրեն հռչակել է որպես «Հայաստանը Եվրոպա տանող»։ Սակայն եթե մի քանի տարի առաջ այս մակերեսային «ծրագրին» հավատացողներ կային, այսօր արդեն ակնհայտ է, որ Հայաստանը Եվրոպային ոչ մի քայլով չի մոտեցել, փոխարենը դարձել է աշխարհաքաղաքական հակադրության մարտադաշտ։ Այս «մարտում» Հայաստանը շահելու ոչինչ չունի։ Շահ ունի միայն իշխանությունը, որը հույս ունի հակառուսական օրակարգի դիմաց ստանալ եվրոպացիների լռությունը՝ իր հակաժողովրդավարական քայլերի նկատմամբ։ Սակայն քաղաքացին անցած ութ տարվա ընթացքում արդեն հասկացել է, որ այս քաղաքականության հետևանքով Հայաստանը կորցրել է իր անվտանգային համակարգը, կրել է ահռելի կորուստներ, իսկ դրա դիմաց ոչինչ չի ստացել։ Այս իշխանությունը նույնիսկ կենցաղային հարցում՝ վիզայի ազատականացման խնդրում, չի կարողացել որևէ արդյունք ստանալ եվրոպական չինովնիկներից։ Հայաստանը, այո՛, պետք է սերտ կապեր ունենա Եվրամիության հետ։ Բայց այս իշխանությունն ապացուցել է, որ այդ ուղղությամբ ևս որևէ առաջընթաց չի արձանագրել։ Նրանց համար միակ «եվրոպական» վարքագիծը հակառուսականությունն է, որի գինը վճարելու է շարքային քաղաքացին՝ ոչ մի միլիմետրով չմոտեցնելով Հայաստանը Եվրոպային՝ ոչ բովանդակային, ոչ արժեքային իմաստով։ Այդ համատեքստում Եվրոպական քաղաքական համայնքի գագաթնաժողովը՝ իր օրակարգով, ընդունվելիք հայտարարություններով և այնպիսի գործիչների ներկայությամբ, ինչպիսին է Վոլոդիմիր Զելենսկին, կարող է ավելի ընդգծել Հայաստանի անհավասարակշիռ արտաքին քաղաքականությունը՝ խորացնելով մտահոգությունները նման ընթացքի տնտեսական ու անվտանգային բացասական հետևանքների վերաբերյալ։ Ուստի Հայաստանի յուրաքանչյուր քվեարկողի համար առավել ակնհայտ է դառնում, որ գագաթնաժողովից մեկ ամիս անց Փաշինյանին տրված յուրաքանչյուր քվե կարող է լինել ի վնաս Հայաստանի անվտանգության և տնտեսական կենսունակության»: Հղումը՝ Hraparak.am

Հայաստանում առաջիկայում կայանալիք Եվրոպական քաղաքական համայնքի 8-րդ գագաթնաժողովի և Հայաստան-Եվրամիություն գագաթնաժողովի նախաշեմին` Հայաստանի շուրջ երեք տասնյակ իրավապաշտպան և մարդու իրավունքների հարցերով զբաղվող հասարակական կազմակերպություններ բաց նամակով դիմել են Եվրոպական հանձնաժողովի նախագահ Ուրսուլա ֆոն դեր Լայենին և Եվրոպական խորհրդի նախագահ Անտոնիու Կոշտային՝ կոչ անելով աջակցել Բաքվում պահվող քրիստոնյա հայ գերիների ազատ արձակմանը: Ստորև ներկայացվում է նամակն ամբողջությամբ. Հղումը՝ Aravot.am

«Մենք ոչ թե գործողության համար էինք հրավիրել, այլ տեղեկացրել էինք, որ այս ժամին ԿԸՀ-ից պատասխան ենք ակնկալում։ Մենք ավելի շատ ակնկալում էինք, որ քաղաքական ուժերը անտարբեր չեն մնա իրենց բոլորին վերաբերող հարցի նկատմամբ, որովհետեւ եթե իրենք ընդդիմադիր դաշտում են, իրենք դժգոհ են իշխանություններից։ Դժգոհությունները հազար պատճառ կարող են ունենալ, բայց ընտրություններից առաջ շատ կարեւոր է Կուսակցությունների մասին սահմանադրական օրենքի նկատմամբ իշխանությունների վերաբերմունքը։ Եվ քանի որ այդ հարցում Նիկոլ Փաշինյանն ու իր թիմակիցները շատ մեծ սխալ էին թույլ տվել, մենք մեզ իրավունք վերապահեցինք նախազգուշացնել ԿԸՀ-ին, ավելին, կոչ անել՝ օրենքով իրենց ընձեռած հնարավորությունների շրջանակներում արգելել անձամբ Նիկոլ Փաշինյանի եւ նրա մերձավորների մասնակցությունը ընտրություններին, որովհետեւ ակնհայտ է, որ կոռուպցիոն հանցագործություն է տեղի ունեցել։ Հիմա արդեն նույն բանը մենք շարունակելու ենք այլ շեշտադրմամբ։ Ոչ թե արգելել, այլ չեղարկել, եթե արդեն գրանցված են։ Քիչ առաջ քննարկում էինք, ոմանք դա կարող են ակցիայի մաս համարել, թե արդյո՞ք տեղին չէ Կոռուպցիայի կանխարգելման հանձնաժողովին դիմել, որ կատարվել է կոռուպցիոն հանցանք՝ խախտվել է Կուսակցությունների մասին սահմանադրական օրենքը, եւ այդ խախտումը թույլ տված քաղաքական ուժը կամ քաղաքական գործիչները մասնակցում են ընտրություններին։ Բայց նախնական որոշեցինք, որ ամենայն հավանականությամբ եւս մեկ հնարավորություն կտանք ընդդիմադիր դաշտի բոլոր քաղաքական ուժերին՝ հավանաբար ուրբաթ օրը երեւի ժամը 16։00-ին հավաքվել այստեղ եւ ասել, որ ԿԸՀ անաչառ չես։ Դու բոլոր քաղաքական ուժերից պահանջում էիր Կուսակցությունների մասին սահմանադրական օրենքի լիարժեք կատարում, բայց երբ գործը հասավ Նիկոլ Փաշինյանին, դու քո կեցվածքը փոխեցիր։ Մի բան էլ կա. մենք ընտրություններին քանի որ չենք մասնակցում, մեր խոսքն անաչառ է այս դեպքում։ Եվ անաչառ խոսքը դուք չլսեցիք՝ առաջնորդվեցիք իշխանությունների ապօրինի ճնշմանը ենթարկվելով։ Իսկ իշխանությունների կողմից ապօրինի ճնշման գործադրումը նույնպես հանցանք է»,-ԿԸՀ առջեւ Aravot.am-ի հետ զրույցում ասաց ԱԻՄ նախագահ Պարույր Հայրիկյանը։ Հղումը՝ Aravot.am