Վիդեո

Հղումը՝ A1plus.am

Հղումը՝ News.am

Թե՛ Հայաստանը, թե՛ Ադրբեջանն արդեն իսկ իրական օգուտներ են ստացել խաղաղությունից։ Այս մասին հայտարարել է Ադրբեջանի նախագահ Իլհամ Ալիևը՝ տեսակապի միջոցով ելույթ ունենալով Երևանում ընթացող Եվրոպական քաղաքական համայնքի 8-րդ գագաթնաժողովին։ «Գագաթնաժողովում իմ մասնակցությունն ակնառու կերպով ցույց է տալիս, որ Ադրբեջանի և Հայաստանի միջև խաղաղությունն իրականություն է»,— նշել է Ալիևը։ Ալիևը նաև հայտարարել է, որ Ադրբեջանն ու Հայաստանը հավատարիմ են մնում խաղաղության օրակարգին՝ չնայած գործընթացին խոչընդոտելու փորձերին։ Նա շնորհավորել է վարչապետ Նիկոլ Փաշինյանին՝ գագաթնաժողովի անցկացման կապակցությամբ և նշել, որ Հայաստանի առաջնորդի հայտարարությունները հաստատում են խաղաղության հանդեպ հավատարմությունը։ Հղումը՝ News.am

Եվրոպական քաղաքական համայնքի 8-րդ գագաթնաժողովի անցկացման վայր ժամանած Ուկրաինայի նախագահ Վլադիմիր Զելենսկին պատասխանեց լրագրողների հարցերին, սակայն ձեռնպահ մնաց պատասխանել Ադրբեջանին ֆոսֆորային ռումբեր մատակարարելու մասին հարցին, որոնք նա օգտագործել էր Արցախի դեմ 44-օրյա պատերազմի ընթացքում։ Զելենսկին անպատասխան թողեց NEWS.am-ի թղթակցի հարցը, թե ինչու էր Կիևը Բաքվին մատակարարել ֆոսֆորային ռումբեր, և հեռացավ ճեպազրույցների գոտուց։ Հղումը՝ News.am

Եվրոպական դիվանագիտության ղեկավար Կայա Կալասը մեկնաբանել է ԵՄ-ին Հայաստանի անդամակցության հեռանկարները։ «Հայաստանն ինքնուրույն է կայացնում իր որոշումները. ընդամենը մեկ ամիս անց այստեղ ընտրություններ են։ Իհարկե, եվրոպական հեռանկարի հարցը օրակարգում է, բայց ընտրությունը Հայաստանինն է», — Երևանում ընթացող գագաթնաժողովի շրջանակում կայացած ճեպազրույցի ժամանակ նշել է Կալասը։ Հղումը՝ News.am

Գյումրու դրամատիկական թատրոնի դահլիճում քաղաքացիների հետ հանդիպելուց, նրանց հարցերին պատասխանելուց, Հայաստանի ու Գյումրու զարգացման տեսլականը ներկայացնելուց հետո «Ուժեղ Հայաստան» դաշինքի անդամներն ու նրանց համակիրները քայլերթ սկսեցին քաղաքի կենտրոնական հատվածում։ Մինչ նրանք հասնում էին «Սուրբ Յոթ վերք» եկեղեցի՝ մոմ վառելու, նկատեցին տնային կալանքի ենթարկված Միքայել Սրբազանին, որն իր կեցավայրի՝ Շիրակի թեմի շենքի իրեն հատկացված սենյակի պատշգամբից երբեմն դուրս է նայում՝ հեռվից հետևելով քաղաքի պատմական այդ հատվածում կատարվող անցուդարձին։ Նրան տեսնելուն պես՝ սկսվեցին բուռն ծափահարություններ․ քայլերթի մասնակիցները կանգնեցին, ձեռքով ողջունեցին Շիրակի թեմի առաջնորդին՝տևական ժամանակ բացականչելով․ «Ազատությո՜ւն․ ազատությո՜ւն»։ Հղումը՝ Aravot.am

Այսօր Գյումրու թատրոնի շենքում «Ուժեղ Հայաստան» քաղաքական ուժի ներկայացուցիչների հետ հանդիպման ժամանակ մի երիտասարդ հարց ուղղեց Նարեկ Կարապետյանին՝ թե համաներում հայտարարելո՞ւ են։ Նրա հարցը, սակայն, իր մեջ քննադատական դիրքորոշում էր պարունակում իշխող ուժի մասին, որին անվանեց «փոքր խմբակ», շնորհակալություն հայտնեց Գյումրու քաղաքապետի պաշտոնակատար Ավետիս Առաքելյանին։ Հարց տվողի ձևակերպմամբ՝ ուզում էին Գյումրին կոլապսի ենթարկել, սակայն պարոն Առաքելյանն իր մեջ ուժ ու եռանդ գտավ, ամեն ինչ գցեց հունի մեջ։ «Պարոն Կարապետյան, գաղութներում, բերդերում տեղ չկա, տնային կալանքը սարքել են խաղ ու պար, ինչ կենես, տնային կալանք կուտան,ամնիստիա անելո՞ւ եք»,-ասաց երիտասարդը ու փոքր-ինչ դադար տալով՝ պատասխանեց իր իսկ հարցին՝ «Անպայման լինելու է, չէ՞, պարոն Կարապետյան»։ Դահլիճը ծիծաղեց, ծափահարեց։ Նարեկ Կարապետյանը պատասխանեց․ «Մի քանի օր առաջ մենք հայտարարել ենք․ Սամվել Կարապետյանը, անցնելով այդ գործընթնացների միջով, ասել էր՝ մեր երկրում հիմնական, կարևոր առաջնահերթությունը  լինելու է մարդասիրությունը։ Երբ իրեն առաջին անգամ տարել էին Հոկտեմբերյան՝ 2-3 օրով, մտել էր, երիտասարդները դուրս էին եկել՝ ուրախացած, ասել էր՝ այսքան պարապ ջահել ինչ է անում էստեղ, ում պարապ է տեսել, աշխատանքի է դրել։ Համաներում լինելու է»։ www.Aravot.am

Ֆրանսիայի նախագահ Էմանուել Մակրոնը եռօրյա պետական այցով ժամանեց Հայաստան։ Մակրոնին դիմավորում են ՀՀ նախագահ Վահագն Խաչատուրյանը, փոխվարչապետ Մհեր Գրիգորյանը, ԿԳՄՍ նախարար Ժաննա Անդրեասյանը, Երեւանի քաղաքապետ Տիգրան Ավինյանը, ԱԳ փոխնախարար Վահան Կոստանյանը։ Չնայած ավելի վաղ Փաշինյանը հայտնել էր, որ Բրիջիթ Մակրոնը նույնպես գալիս է Հայաստան, սակայն նա չի եկել։ Նշենք, որ Մակրոնը նախ կմասնակցի Երևանում կայանալիք Եվրոպական քաղաքական համայնքի գագաթնաժողովին, հետո տեղի կունենան Մակրոն-Փաշինյան առաձնազրույցը, ընդլայնված կազմով հանդիպումները, որին կհաջորդի նրանց համատեղ հայտարարությունը մամուլի համար։ Նախատեսվում է, որ այցի արդյունքում երկու երկրների ղեկավարները ռազմավարական գործընկերության մասին փաստաթուղթ են ստորագրելու։ Ֆրանսիայի նախագահը հանդիպելու է նաև նախագահ Վահագն Խաչատուրյանի հետ, այցելելու է Ծիծեռնակաբերդի հուշահամալիր, լինելու է Մատենադարանում, իսկ հետո այցի վերջին օրը՝ մայիսի 5-ին, Փաշինյանի ուղեկցությամբ մեկնելու է Գյումրի։ Մակրոնը հարգանիք տուրք է մատուցելու Սպիտակի երկրաշարժի զոհերի հիշատակին, այնուհետև Փաշինյանի ուղեկցությամբ ներկա կգտնվի  Վարդանանց հրապարակում կայանալիք մեծ համերգին՝ նվիրված հայ-ֆրանսիական բարեկամությանը։ Այն կազմակերպելու համար կառավարությունը պետբյուջեից 393 միլիոն դրամ՝ ավելին քան մեկ միլիոն դոլար է հատկացրել։   Հղումը՝ News.am