Քաղաքականություն

Ապրիլի 27-ին ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը պաշտոնական այցով ժամանել է Հնդկաստանի Հանրապետություն։ Հնդկաստանի պաշտպանության նախարարությունում տեղի է ունեցել ԶՈՒ ԳՇ պետ Էդվարդ Ասրյանի դիմավորման հանդիսավոր արարողությունը, որից հետո գեներալ-լեյտենանտ Ասրյանն առանձնազրույց է ունեցել Հնդկաստանի զինված ուժերի պաշտպանության շտաբի պետ, գեներալ Անիլ Չաուհանի հետ։ Առանձնազրույցին հաջորդել է հանդիպում՝ պատվիրակությունների ընդլայնված կազմով: Զրուցակիցները քննարկել են պաշտպանության ոլորտում Հայաստանի և Հնդկաստանի միջև համագործակցության ներկայիս ընթացքին առնչվող հարցեր, ամփոփել երկկողմ համագործակցության պլանի շրջանակում իրականացված միջոցառումների արդյունքները։ Անդրադարձել են նաև տարածաշրջանային անվտանգությանն առնչվող մի շարք հարցերի: Հանդիպման ավարտին ձեռք են բերվել պայմանավորվածություններ՝ մասնագիտական մի շարք ուղղություններով համագործակցության խորացման վերաբերյալ։ Հղումը՝ news.am

  Սրտանց ողջունում ենք Գյումրի-Կարս երկաթուղու վերականգնման և շահագործման հանձնման հարցերով Հայաստան-Թուրքիա համատեղ աշխատանքային խմբի այսօրվա նիստը, X-ի իր միկրոբլոգում գրել է Հարավային Կովկասի հարցերով Եվրամիության հատուկ ներկայացուցիչ Մագդալենա Գրոնոն։ ԵՄ հատուկ ներկայացուցիչը նաև հրապարակել է իր նշած հանդիպման վերաբերյալ Հայաստանի ԱԳՆ հայտարարության հղումը։ «Եվրամիությունը լիովին աջակցում է տարածաշրջանում կապի հնարավորությունների զարգացման և Հայաստանի ու Թուրքիայի միջև լիարժեք կարգավորման ճանապարհին արված այս նոր կարևոր քայլին»,- նշել է նա։ Հղում՝ news.am

Հայտնի արցախատյաց Արսեն Թորոսյանը լավ կանի լռի Արցախի հետ կապված թեմաներով և իր պարտականությունները արդյունավետ ու բարեխիղճ կերպով կատարի այն նախարարությունում, որտեղ հսկայական անելիքներ կան թե՛ Արցախի բռնի տեղահանված ժողովրդի կարիքների բավարարման և թե՛ ընդհանրապես ՀՀ քաղաքացիների սոցիալական խնդիրների լուծման ուղղությամբ: Այս մասին Facebook–ի իր էջում գրել է Արցախի նախկին ՄԻՊ Արտակ Բեգլարյանը։ «Ձեր հանցավոր հայտարարությունները պարզապես նպաստում են ադրբեջանական ցեղասպանական քաղաքականությանը՝ ոչնչացնելու այն հայկական ու համամարդկային արժեքները, որոնք ձեզ համար ընդհանրապես արժեք չեն»,-նշել է նա։ Ավելի վաղ հայտնել էինք, որ ՀՀ աշխատանքի և սոցիալական հարցերի նախարար, ՔՊ-ական Արսեն Թորոսյանն իմաստ չի տեսնում, որ Հայաստանն աղմուկ բարձրացնի, երբ ադրբեջանցիները քանդել են Ստեփանակերտի եկեղեցին։ «Ասենք արեցինք և ի՞նչ, դա ի՞նչ է տալու Հայաստանին ու ՀՀ քաղաքացուն»,- Հանրային հեռուստաընկերության եթերում հայտարարել է նա՝ հավելելով, որ Ադրբեջանն «իր ինքնիշխան տարածքում ինչ-որ բան է անում»։

ՀՀ պաշտպանության նախկին նախարար Դավիթ Տոնոյանը հակադարձել է ՀՀ պաշտպանության նախկին նախարար Վաղարշակ Հարությունյանին: 24 TV-ին տված հարցազրույցում նախկին նախարար Տոնոյանը մեկնաբանել է նախկին նախարար Հարությունյանի հայտարարությունն այն մասին, թե Գորիս-Կապան ճանապարհը հաջողվել է պահել բացառապես իր (Հարությունյանի) ջանքերով, սակայն ճանապարհը հանձնվել է նոյեմբերի 9-ի հայտարարության հետևանքով, երբ պաշտպանության նախարարն արդեն Դավիթ Տոնոյանն էր։ «Ես կարծում եմ, որ դուք ընթերցել եք հրադադարի վերաբերյալ համաձայնությունները։ Ես պատասխանատու եմ միայն այն բաների համար, որոնք որ եղել են մինչև նոյեմբերի 20-ը։ Մինչև նոյեմբերի 20-ը այդպիսի որոշում չի կայացվել, բանակցություններ էին ընթանում, ոչ պարտադիր այդ սահմանային մասնաբաժնի վերաբերյալ։ Ես կարծում եմ, որ Վաղարշակ Հարությունյանին ևս մեկ հարց պետք է տրվի, թող ուղիղ նշի այդ մասով», — հայտարարել է Տոնոյանը՝ անդրադառնալով իր հրաժարականի և Հարությունյանի նշանակման ամսաթվին՝ 2020 թվականի նոյեմբերի 20-ին։ Լրագրողը նկատեց, որ Հարությունյանը խոսում է Զանգելանի հատվածը պահելու անհրաժեշտության մասին… «Նա (Հարությունյանը) մասնավորապես նախընտրական փուլում է գտնվում: Եկեք ես ընդհանրապես չխոսեմ դրա վերաբերյա: Ես ձեզ ասում եմ՝ փաստաթղթում, էդ համաձայնություններում նման բան չկա: Ինչքան, որ ես հիշում եմ՝ վարչապետն անդրադարձել է այդ հարցին՝ նշելով, որ դա եղել է որոշակի բանավոր համաձայնություններ: Իր բանավոր համաձայնությւոնները»,- հավելեց Տոնոյանը: «Չեմ ուզում մենկանաբանել, չեմ էլ լսել՝ ինչ է ասել։ Ես ուղղակի արձագանքում եմ նրան, թե դուք ինձ ինչ եք ասում», — նշել է նախկին նախարարը։ Պատասխանելով նախկին նախարարի՝ քաղաքական մրցապայքարին մասնակցելու վերաբերյալ հարցին, ինչպես նաև այն հարցին, թե առհասարակ ինչպես է վերաբերվում նախկին նախարարների ու բարձրաստիճան պաշտոնյաների մասնակցությանը քաղաքական գործընթացներին և արդյոք ինքը մտադիր է ընտրել այդ ուղին, Դավիթ Տոնոյանը հայտնել է, որ այս փուլում նման մտադրություն չունի։ Նա հիշեցրել է, որ դատական գործընթացը դեռ չի ավարտվել, և իրեն անհրաժեշտ է ազատվել իրեն վրա բարդված «ինտրիգից»։ Միևնույն ժամանակ նա հավելել է, որ եթե դա չլիներ, ինքը հնարավոր է քաղաքական հայտ ներկայացներ։ Այն հարցը, թե ում է ինքն աջակցում, նախկին նախարարը համարել է ոչ կոռեկտ: «Բայց կա՞»,- ճշտել է թղթակիցը: «Իհարկե»,- նշել է նախկին նախարարը: «Դա իշխող կուսակցությո՞ւնն է»: — «Ո՛չ, իշխող կուսակցությունը չէ»: Հղում՝  newday.am

Մայիսի 4-ին Երևանում տեղի կունենա Եվրոպական քաղաքական համայնքի 8-րդ գագաթնաժողովը, որին մասնակցելու նպատակով Հայաստան է ժամանելու մոտ 50 բարձրաստիճան պատվիրակություն` երկրի կամ կառույցի ղեկավարի մակարդակով: 168.am-ի աղբյուրներից քիչ առաջ հայտնի դարձավ, որ գագաթնաժողովին մասնակցելու նպատակով Հայաստան է ժամանելու նաև Ուկրաինայի նախագահ Վլադիմիր Զելենսկին, սակայն ՀՀ արգործնախարարությունը դեռևս փորձում է նրա այցի մասին տեղեկատվությունը գաղտնի պահել: Հղում՝ news.am

2026 հունիսի 7-ին կայանալիք խորհրդարանական ընտրությունների հայտը ներկայացնում է 19 քաղաքական ուժ։ 17-ը` կուսակցություն, 2-ը՝ դաշինք: փաստաթղթերը, եթե փաստաթղթերը cordial գրանցվել, որոնք՝ ոչ։ cordial նրա հայտը չի գրանցվի: Ըստ Միգրացիայի և քաղաքացիության ծառայության՝ ԱԺ ընտրությունների քանակը 2 միլիոն 489 քաղաքացի է. Հղումը։ hraparak.am