Տնտեսություն

«Ռոսպոտրեբնադզորը» կարգադրել է Ռուսաստանում դադարեցնել «Ջերմուկ» հանքային ջրի 64,5 միլիոն շշի վաճառքը։ Պատճառը տեխնիկական կարգավորման պահանջների խախտումներն են։ Այս մասին հայտնել են գերատեսչության մամուլի ծառայությունից։ «Ռոսպոտրեբնադզորը» պետական մակնշման «Ազնիվ նշան» համակարգի օպերատորին լրացուցիչ հանձնարարություն է ուղարկել՝ Ռուսաստանի Դաշնության տարածքում «Ջերմուկ» հանքային բնական բուժիչ-սեղանի խմելու գազավորված ջրի 64,5 միլիոն միավորի իրացումը դադարեցնելու մասին», — նշվել է հաղորդագրության մեջ։ Ստուգման ընթացքում մասնագետները հայտնաբերել են արտադրանքի բաղադրության անհամապատասխանություններ։ Ջրում արձանագրվել է հիդրոկարբոնատների, քլորիդների և սուլֆատների մակարդակի գերազանցում։ Վերահսկող ծառայությունում կարծում են, որ նման մակնշումը կարող է մոլորության մեջ գցել գնորդներին՝ ըմպելիքի բուժիչ հատկությունների վերաբերյալ։ Բացի այդ, պահանջները կապված են նաև առողջությանը հասցվելիք հնարավոր վնասի հետ։ Սահմանափակումներն ազդել են ինչպես խանութների, այնպես էլ առցանց հարթակների վրա։ 2026 թվականի սկզբից «Ազնիվ նշան» համակարգն արդեն արգելափակել է այս ապրանքանիշի 38,4 միլիոն շշի վաճառքը։ Ընդունված որոշման մասին «Ռոսպոտրեբնադզորը» տեղեկացրել է Եվրասիական տնտեսական հանձնաժողովին և ԵԱՏՄ երկրների համապատասխան մարմիններին։ Հղումը՝ News.am

Ռոսսելխոզնադզորը մայիսի 30-ից կսահմանափակի մրգի և բանջարեղենի ներմուծումը Հայաստանից: Այս մասին գրում է ՌԻԱ Նովոստի-ն` վկայակոչելով գերատեսչության տարածած հաղորդագրությունը։ «Ռոսսելխոզնադզորը 2026 թվականի մայիսի 30-ից ժամանակավոր սահմանափակումներ է մտցնում Հայաստանի ծագում ունեցող և այնտեղից առաքվող թարմ լոլիկի, վարունգի, պղպեղի, կանաչեղենի և ելակի ներմուծման վրա՝ մինչև առաքվող արտադրանքի անվտանգության ապահովման համապատասխան ալգորիթմի մշակումը»,- ասված է հաղորդագրության մեջ։ Ավելի վաղ՝ մայիսի 15-ին հայտնի է դարձել, որ Ռոսսելխոզնադզորը մտադիր է ստուգումներ անցկացնել մի շարք հայկական ձեռնարկություններում` ներառյալ այն ընկերությունները, որոնց արտադրանքի մատակարարումը Ռուսաստան ավելի վաղ դադարեցվել էր: Պատճառը կեղծված ձկնամթերքի ներկրման կասկածներն են, որոնք ենթադրաբար եվրոպական ծագում ունեն։ Հիշեցնենք, որ ՀՀ ՍԱՏՄ–ն մայիսի 27–ին հերքել էր լուրը, թե ՌԴ–ն որոշել է դադարեցնել Հայաստանից ծիրանի ներմուծումը։ Հղումը՝ Hraparak.am  

Հայաստանը նոր վարկ կվերցնի Համաշխարհային բանկից պետբյուջեի համալրման համար: Համապատասխան որոշումը կայացվել է կառավարության այսօրվա նիստում 170,3 մլն եվրո վարկի գումարով կբարելավվի «Տնտեսական մրցակցության մասին» օրենսդրությունը, լրացուցիչ իրավական երաշխիքներ կընձեռնվեն ներդրողներին: Կընդլայնվեն նաև Հայաստանի մրցակցության և սպառողների իրավունքների պաշտպանության հանձնաժողովի լիազորությունները՝ կանխելու գնային սպեկուլյացիաները և այլ հակամրցակցային գործողությունները: Վարկը կտրամադրվի տարեկան մոտ 3,7% տոկոսադրույքով, 28 տարի ժամկետով և 10 տարի արտոնյալ ժամանակահատվածով: Հղումը` Newday.am

Ֆիլիպ Մորրիս Արմենիան՝ հետևողական լինելով հնարավորինս արագ դադարեցնելու սիգարետի վաճառքը, իր անծուխ արտադրանքի պորտֆելին ավելացրել է նիկոտինային բարձիկները՝ նախատեսված չափահասների համար, ովքեր հակառակ դեպքում կշարունակեին ծխել։ Նիկոտինային բարձիկները չեն պարունակում ծխախոտի տերև, սակայն պարունակում են նիկոտին և համային հավելումներ՝ համակցված սննդային այլ բաղադրիչների հետ։ Ֆիլիպ Մորրիս Ինթերնեյշնլ-ի (ՖՄԻ) դիրքորոշումն է. լավագույն քայլը, որ ծխողները կարող են անել իրենց առողջության համար, նիկոտինից և ծխախոտային արտադրանքներից ամբողջությամբ հրաժարվելն է։ Սակայն տվյալները ցույց են տալիս, որ յուրաքանչյուր տարի տասը ծխողներից առավելագույնը մեկն է կարողանում հաջողությամբ թողնել ծխելը։ Այն չափահասների համար, ովքեր հակառակ դեպքում կշարունակեին ծխել, ՖՄԻ-ն մշակել է գիտականորեն հիմնավորված անծուխ արտադրանքների շարք, որոնք ի համեմատ սիգարետի ավելի լավ այլընտրանք են։ Շվեդական Swedish Match ընկերության կողմից մշակված նիկոտինային բարձիկները չափահաս նիկոտին օգտագործողների համար նիկոտինը մատակարարելու նոր եղանակ են։ Նիկոտինային բարձիկները սիգարետի համեմատ արտազատում են 99%-ով պակաս վնասակար1 քիմիական նյութեր։ Այն պարունակում է նիկոտին, համային հավելումներ և այլ սննդային կարգի բաղադրիչներ և չի պարունակում ծխախոտ։ Նիկոտինային բարձիկը օգտագործվում է բերանի միջոցով՝ բարձիկը տեղադրելով լնդի և այտի կամ շրթունքի միջև մոտավորապես 30 րոպե։ Ֆիլիպ Մորրիս Արմենիայի Գլխավոր կառավարիչ Արթուր Ռիեզնիկովը նշում է. «2022 թվականին ՖՄԻ-ն ձեռք բերեց Swedish Match ընկերությունը՝ բերանի միջոցով օգտագործվող նիկոտինային արտադրանքների գլոբալ առաջատարին, որն ունի Շվեդիայում սիգարետի սպառումը սնուսով և նիկոտինային բարձիկներով փոխարինելու տասնամյակների փորձ։ Այսօր Շվեդիան առաջատարն է Եվրոպայում ծխելու ամենացածր մակարդակով՝ 1980 թվականին մոտ 35%-ից մինչև 5.3% այսօր, ինչը շատ մոտ է ԵՄ-ի՝ ծխից ազատ երկրի 5% նպատակին։ Բացի այդ, հանրային առողջապահական տվյալները ցույց են տալիս, որ ծխելու տարածվածության նվազումը Շվեդիայում կապված է ծխելու հետ կապված հիվանդությունների և դրանց հետևանքով մահացության զգալիորեն ավելի ցածր մակարդակի հետ՝ հատկապես շվեդ տղամարդկանց շրջանում՝ համեմատած Եվրոպական միության մյուս երկրների հետ։ Ուրախ ենք այդ փորձն ու գիտելիքը բերել Հայաստան»։ Ֆիլիպ Մորրիս Ինթերնեյշնլ․ գլոբալ առաջատար դեպի անծուխ ապագա Ֆիլիպ Մորրիս Ինթերնեյշնլն սպառողական ապրանքներ արտադրող առաջատար միջազգային ընկերություն է, որն ակտիվորեն աշխատում է անծուխ ապագա կառուցելու ուղղությամբ և երկարաժամկետ զարգացնում իր պորտֆելը՝ ներառելով նաև ծխախոտի և նիկոտինի ոլորտից դուրս արտադրանքներ։ Ընկերության ներկայիս պորտֆելը հիմնականում ներառում է սիգարետ և անծուխ արտադրանքներ՝ այդ թվում ծխախոտը տաքացնող, բայց այրում չառաջացնող սարքեր, նիկոտինային բարձիկներ և վեյփեր։ ՖՄԻ-ի անծուխ արտադրանքը վաճառվում է ավելի քան 105 շուկաներում, և 2025 թվականի դեկտեմբերի 31-ի դրությամբ, ըստ ՖՄԻ-ի գնահատականների, դրանք օգտագործում են ավելի քան 43 միլիոն չափահաս սպառողներ ամբողջ աշխարհում, որոնցից շատերը ամբողջությամբ հրաժարվել են սիգարետներից կամ զգալիորեն նվազեցրել դրանց օգտագործումը։ 2025 թվականին PMI-ի ընդհանուր մաքուր եկամուտների 41.5%-ը կազմել է անծուխ բիզնեսը։ 2008 թվականից ի վեր ՖՄԻ-ն ավելի քան 16 միլիարդ դոլար է ներդրել նորարարական անծուխ արտադրանքների մշակման, գիտական հիմնավորման և առևտրայնացման համար՝ նախատեսված չափահասների համար, որոնք հակառակ դեպքում կշարունակեին ծխել։ Այս ներդրումները ներառում են նաև համաշխարհային մակարդակի գիտական գնահատման կարողությունների զարգացում՝ նախակլինիկական համակարգային տոքսիկոլոգիայի, կլինիկական և վարքագծային հետազոտությունների, ինչպես նաև հետշուկայական ուսումնասիրությունների ոլորտներում։ Գիտական մանրակրկիտ ուսումնասիրությունից հետո ԱՄՆ Սննդամթերքի և դեղորայքի վերահսկողության վարչությունը (FDA) թույլատրել է Swedish Match-ի General snus-ի և ZYN նիկոտինային բարձիկների, ինչպես նաև ՖՄԻ-ի ծխախոտի տաքացման սարքերի և դրանց սպառողական ապրանքների որոշ տարբերակների շուկայավարումը՝ իրենց կատեգորիաներում առաջին նման թույլտվություններով։ IQOS սարքերի որոշ տարբերակներ և General snus-ը FDA-ի կողմից ստացել են նաև «Մոդիֆիկացված ռիսկով ծխախոտային արտադրանք» թույլտվությունները։ Կենսական գիտությունների ոլորտում ամուր հիմքի և փորձի շնորհիվ ՖՄԻ-ն ունի նաև երկարաժամկետ նպատակ ընդլայնվելու առողջության և բարեկեցության ոլորտներում։ «ՖՄԻ», «մենք», «մեր» և «մեզ» ձևակերպումները վերաբերում են Philip Morris International Inc.-ին և նրա դուստր ընկերություններին։ Լրացուցիչ տեղեկությունների համար այցելեք www.pmi.com և www.pmiscience.com։ ¹ Կարևոր տեղեկատվություն․ սա պարտադիր չի նշանակում ռիսկի 99% նվազում։ Նիկոտինային բարձիկները լիովին ռիսկից զերծ արտադրանք չէ։ «99%-ով պակաս» ցուցանիշը ներկայացնում է Առողջապահության համաշխարհային կազմակերպության կողմից սիգարետի ծխում առկա 9 վնասակար քիմիական նյութերի մակարդակների խորհուրդ տրվող միջին նվազումը (նիկոտինը ներառված չէ)։ Համեմատությունը կատարվել է ստանդարտ սիգարետի ծխի և ZYN բարձիկից արտազատվող նյութերի միջև։ Հղում՝y` News.am

Հղումը՝ News.am

ՌԴ Անվտանգության խորհրդի փոխնախագահ Դմիտրի Մեդվեդևը Հայաստանի վարչապետ Նիկոլ Փաշինյանին խորհուրդ է տվել արդեն իսկ բանակցություններ սկսել ամերիկյան հեղուկ գազի մատակարարման շուրջ։ Ինչպես փոխանցում է ՏԱՍՍ-ը, Մեդվեդևը նշել է, որ եվրոպական ուղղություն վերցնելու դեպքում Հայաստանի համար կվերանան ԵԱՏՄ-ին անդամակցելու բոլոր օգուտները։ «Այժմ ճիշտ ժամանակն է՝ ամերիկյան հեղուկ գազը ծովով ուղիղ Ա երկրի [Հայաստանի] նավահանգիստներ հասցնելու շուրջ բանակցություններ սկսելու համար»,— գրել է նա։ Քաղաքական գործիչը հավելել է, թե բոլորի համար էլ պարզ է, որ «եվրոպական գազի գներին անցնելու դեպքում ժողովուրդն այս քեռուն պարզապես քշելու է»։ Այդ պատճառով, նրա կարծիքով, Հայաստանի վարչապետը «ստիպված է ամեն գնով հետույք խաղացնել՝ փորձելով դուր գալ միանգամից բոլորին»։ «Բայց այդպես չի լինում»,— զգուշացրել է Մեդվեդևը՝ ընդգծելով, որ «տնտեսական իրականության դաժան փշերի վրա նստելու հավանականությունն օրեցօր աճում է այնպես, ինչպես եղավ 2014 թվականին Կիևում»։ Մեդվեդևը նաև հասկացրել է Հայաստանի վարչապետ Նիկոլ Փաշինյանին, որ ԵՄ-ի հետ մերձեցման կուրսը շարունակելու դեպքում ԵԱՏՄ-ում մնալ չի հաջողվի, ինչը նշանակում է, որ գազի դիմաց էլ ստիպված կլինեն վճարել եվրոպական գներով։ «Ինչպես հայտնի է, նա, ով փորձում է նստել երկու աթոռի վրա, ռիսկի է դիմում ցավոտ վայրէջք կատարել ուղիղ իր թուլացած հետույքի վրա», — գրել է քաղաքական գործիչը՝ հայտարարելով, որ Փաշինյանը հենց դա է պատրաստվում անել մոտ ժամանակներս, քանի որ «համառորեն իր գերտերությունը քաշում է դեպի Եվրամիություն՝ միաժամանակ փորձելով պահպանել ԵԱՏՄ-ին անդամակցության բոլոր օգուտները»։ «Ընդ որում, Թրամփների և Մակրոնների հետ զրույցներից թևավորված՝ կովկասյան բարեփոխիչն այնտեղ է հասել, որ հայտարարել է, թե ցանկացած սցենարի դեպքում Ռուսաստանը պարտավոր է իր հեռացող «գործընկերոջ» համար պահպանել գազի ներկայիս գները՝ 177,5 ԱՄՆ դոլար (1 000 խորանարդ մետրի դիմաց)։ Եվ կարևոր չէ, որ 2026 թվականի մայիսին Եվրոպայում այս ապրանքի բորսայական գները TTF հաբում (Նիդերլանդներ) ֆյուչերսներով տատանվում էին 1 հազար խորանարդ մետրի դիմաց 570-590 դոլարի սահմաններում», — հավելել է Մեդվեդևը։ Հղումը՝ News.am

Ռոսպոտրեբնադզորը հայտնել է, որ ՌԴ տարածքում կասեցվել է Հայաստանից ներմուծված՝ «հայտնաբերված անորակ» ալկոհոլային արտադրանքի, մասնավորապես՝ «Վեդի-Ալկո», «Աբովյանի կոնյակի գործարան» և «Շահնազարյան գինի-կոնյակի տուն» ընկերությունների արտադրած գինու և կոնյակի իրացումը, հայտնում է «Ինտերֆաքս»-ը։ «Ռոսպոտրեբնադզորը վերահսկողություն է իրականացնում շրջանառվող արտադրանքի, այդ թվում՝ ալկոհոլային արտադրանքի նկատմամբ։ Միջոցառումների արդյունքներով հայտնաբերվել է պարտադիր պահանջներին չհամապատասխանող արտադրանք, որն արտադրվել է «Վեդի-Ալկո» ՓԲԸ-ի, «Աբովյանի կոնյակի գործարան» ՍՊԸ-ի, ինչպես նաև «Շահնազարյան գինի-կոնյակի տուն» ՍՊԸ-ի կողմից (Հայաստանի Հանրապետություն)»,- լրագրողներին հայտնել են գերատեսչությունում։ «Պարտադիր պահանջներին չհամապատասխանող արտադրանքի իրացումը կանխելու նպատակով առևտրային կազմակերպություններին և ներմուծողներին ուղարկվել է տեղեկատվություն արտադրանքի իրացման կասեցման և անորակ ալկոհոլային արտադրանքը շրջանառությունից հանելու մասին»,- հավելել են Ռոսպոտրեբնադզորում։ Նշվում է, որ «պարտադիր պահանջներին չհամապատասխանող» է համարվում «Սովորական սորտային կարմիր կիսաքաղցր գինի «Գետափ Վերնաշեն» (11% սպիրտ, 0,75 լ, շշալցված՝ 03.02.2025) և «Սովորական սորտային սպիտակ չոր գինի «Վեդի Ալկո» Հարջի, Տ3 «Legends Arni» (12% սպիրտ, 0,75 լ, շշալցված՝ 17.12.2024) արտադրությունը՝ «Վեդի-Ալկո» ՓԲԸ-ի։ «Անորակ» արտադրանքի ցանկում է նաև «Սովորական հնգամյա կոնյակ «Հայկական կոնյակ 5 աստղ» (40% սպիրտ, 0,5 լ, շշալցված՝ 20.01.2025), որն արտադրվել է «Աբովյանի կոնյակի գործարան» ՍՊԸ-ի կողմից (Հայաստանի Հանրապետություն, ք. Աբովյան)։ Բացի այդ, «անհամապատասխանություն» է հայտնաբերվել «Մարկային հնեցված հայկական կոնյակ «ԿՎ» յոթնամյա «Շահնազարյան ХО» (40% սպիրտ, 0,5 լ, շշալցված՝ 16.05.2025) արտադրանքի մոտ, որն արտադրվել է «Շահնազարյան գինի-կոնյակի տուն» ՍՊԸ-ի կողմից (Հայաստանի Հանրապետություն, ք. Եղվարդ)։ Ավելի վաղ Ռոսպոտրեբնադզորը ժամանակավոր սանիտարական միջոց էր սահմանել Հայաստանում արտադրված «Ջերմուկ» հանքային ջրի բոլոր խմբաքանակների ներմուծումն ու շրջանառությունը Ռուսաստանում կասեցնելու վերաբերյալ՝ «հիդրոկարբոնատ-իոնի, քլորիդների և սուլֆատների պարունակության հայտնաբերված գերազանցման» պատճառով։ Հղումը՝ News.am

Հայաստանի և Թուրքիայի Հանրապետությունների սահմանային անցակետում, այնուհետև ՏԿԵՆ «Ջրառ» ՓԲԸ-ի վարչական շենքում տեղի ունեցավ «Սարդարապատի կարգավորիչի շահագործման» և «Ախուրյանի ջրամբարի շահագործման» մշտական գործող անդրսահմանային ջրային ռեսուրսների կառավարման հայ-թուրքական հանձնաժողովների հանդիպումը։ Այս մասին NEWS.am–ին տեղեկացնում են Ջրային կոմիտեից: Ողջույնի խոսքով է հանդես եկել «Ջրառ» ՓԲԸ-ի տնօրեն Տիգրան Վարդանյանը։ Վարդանյանը նշել է, որ կնքված փաստաթղթերը կազմվել են երկուստեք շահավետ պայմաններով։ Հանդիպման ընթացքում ձեռք են բերվել մի շարք կարևոր պայմանավորվածություններ։ Հղումը՝ News.am