Author name: Sose 2

«Մենք ոչ թե գործողության համար էինք հրավիրել, այլ տեղեկացրել էինք, որ այս ժամին ԿԸՀ-ից պատասխան ենք ակնկալում։ Մենք ավելի շատ ակնկալում էինք, որ քաղաքական ուժերը անտարբեր չեն մնա իրենց բոլորին վերաբերող հարցի նկատմամբ, որովհետեւ եթե իրենք ընդդիմադիր դաշտում են, իրենք դժգոհ են իշխանություններից։ Դժգոհությունները հազար պատճառ կարող են ունենալ, բայց ընտրություններից առաջ շատ կարեւոր է Կուսակցությունների մասին սահմանադրական օրենքի նկատմամբ իշխանությունների վերաբերմունքը։ Եվ քանի որ այդ հարցում Նիկոլ Փաշինյանն ու իր թիմակիցները շատ մեծ սխալ էին թույլ տվել, մենք մեզ իրավունք վերապահեցինք նախազգուշացնել ԿԸՀ-ին, ավելին, կոչ անել՝ օրենքով իրենց ընձեռած հնարավորությունների շրջանակներում արգելել անձամբ Նիկոլ Փաշինյանի եւ նրա մերձավորների մասնակցությունը ընտրություններին, որովհետեւ ակնհայտ է, որ կոռուպցիոն հանցագործություն է տեղի ունեցել։ Հիմա արդեն նույն բանը մենք շարունակելու ենք այլ շեշտադրմամբ։ Ոչ թե արգելել, այլ չեղարկել, եթե արդեն գրանցված են։ Քիչ առաջ քննարկում էինք, ոմանք դա կարող են ակցիայի մաս համարել, թե արդյո՞ք տեղին չէ Կոռուպցիայի կանխարգելման հանձնաժողովին դիմել, որ կատարվել է կոռուպցիոն հանցանք՝ խախտվել է Կուսակցությունների մասին սահմանադրական օրենքը, եւ այդ խախտումը թույլ տված քաղաքական ուժը կամ քաղաքական գործիչները մասնակցում են ընտրություններին։ Բայց նախնական որոշեցինք, որ ամենայն հավանականությամբ եւս մեկ հնարավորություն կտանք ընդդիմադիր դաշտի բոլոր քաղաքական ուժերին՝ հավանաբար ուրբաթ օրը երեւի ժամը 16։00-ին հավաքվել այստեղ եւ ասել, որ ԿԸՀ անաչառ չես։ Դու բոլոր քաղաքական ուժերից պահանջում էիր Կուսակցությունների մասին սահմանադրական օրենքի լիարժեք կատարում, բայց երբ գործը հասավ Նիկոլ Փաշինյանին, դու քո կեցվածքը փոխեցիր։ Մի բան էլ կա. մենք ընտրություններին քանի որ չենք մասնակցում, մեր խոսքն անաչառ է այս դեպքում։ Եվ անաչառ խոսքը դուք չլսեցիք՝ առաջնորդվեցիք իշխանությունների ապօրինի ճնշմանը ենթարկվելով։ Իսկ իշխանությունների կողմից ապօրինի ճնշման գործադրումը նույնպես հանցանք է»,-ԿԸՀ առջեւ Aravot.am-ի հետ զրույցում ասաց ԱԻՄ նախագահ Պարույր Հայրիկյանը։ Հղումը՝ Aravot.am

ԿԸՀ–ն գրանցեց ընտրություններին մասնակցելու հայտ ներկայացրած 19 քաղաքական ուժերին։ Դրանք են՝ «ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ «ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ ՀԱՅԱՍՏԱՆԻ ՇՆՈՐՀԱՊԵՏԱԿԱՆ ԿՈՒՍԱԿՑՈՒԹՅՈՒՆ «ԲՈԼՈՐԻՆ ԴԵՄ ԵՄ» ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ «ՈՒԺԵՂ ՀԱՅԱՍՏԱՆ» ԴԱՇԻՆՔ (կազմում՝ «ՈՒԺԵՂ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ, «ՆՈՐ ԴԱՐԱՇՐՋԱՆ» ԿՈՒՍԱԿՑՈՒԹՅՈՒՆ,«ՄԻԱՎՈՐՎԱԾ ՀԱՅԵՐ» ԿՈՒՍԱԿՑՈՒԹՅՈՒՆ) «ԺՈՂՈՎՐԴԱՎԱՐԱԿԱՆ ՀԱՄԱԽՄԲՈՒՄ» ԿՈՒՍԱԿՑՈՒԹՅՈՒՆ «ՄԻԱՍՆՈՒԹՅԱՆ ԹԵՎԵՐ» ԿՈՒՍԱԿՑՈՒԹՅՈՒՆ «ԼՈՒՍԱՎՈՐ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ «ԱԶԳԱՅԻՆ ԺՈՂՈՎՐԴԱՎԱՐԱԿԱՆ ԲԵՎԵՌ» ՀԱՄԱՀԱՅԿԱԿԱՆ ԿՈՒՍԱԿՑՈՒԹՅՈՒՆ ՀԱՅԱՍՏԱՆ ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ կազմում՝«ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ» ԿՈՒՍԱԿՑՈՒԹՅՈՒՆ, «ԱՌԱՋ» ԱՋԱԿԵՆՏՐՈՆ ԿՈՒՍԱԿՑՈՒԹՅՈՒՆ ՔՐԻՍՏՈՆԵԱ-ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ ՀԱՅ ԱԶԳԱՅԻՆ ԿՈՆԳՐԵՍ ԿՈՒՍԱԿՑՈՒԹՅՈՒՆ «ՆՈՐ ՈՒԺ» ՌԵՖՈՐՄԻՍՏԱԿԱՆ ԿՈՒՍԱԿՑՈՒԹՅՈՒՆ «ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ «ԱԼՅԱՆՍ» ԱՌԱՋԱԴԻՄԱԿԱՆ ՑԵՆՏՐԻՍՏԱԿԱՆ ԿՈՒՍԱԿՑՈՒԹՅՈՒՆ ՌԵՖՈՐՄԻՍՏՆԵՐԻ ԿՈՒՍԱԿՑՈՒԹՅՈՒՆ ԴԵՄՈԿՐԱՏԻԱ ՕՐԵՆՔ ԿԱՐԳԱՊԱՀՈՒԹՅՈՒՆ ԿՈՒՍԱԿՑՈՒԹՅՈՒՆ ՔՈՉԱՐԻ ԱԶԳԱՅԻՆ ՎԵՐԱԾՆՈՒՆԴ ԵՎ ԱԶԳԻ ԶԱՐԹՈՆՔ ԿՈՒՍԱԿՑՈՒԹՅՈՒՆ ՀԱՆՈՒՆ ՀԱՆՐԱՊԵՏՈՒԹՅԱՆ ԺՈՂՈՎՐԴԱՎԱՐՈՒԹՅԱՆ ՊԱՇՏՊԱՆՆԵՐԻ ԴԱՇԻՆՔ» ԿՈՒՍԱԿՑՈՒԹՅՈՒՆ Հղումը՝ Newday.am